Muzeyin Etnoqrafiya elmi fond şöbəsinin əməkdaşı, t.ü.f.d., Fatma Qəniyevanın “Material and Cultural Manifestations of Azerbaijani Hospitality in 17th and 18th Century Ceramic Artefacts” (“XVII–XVIII əsr keramika məmulatlarında Azərbaycan qonaqpərvərliyinin maddi və mədəni təzahürləri”) adlı məqaləsi beynəlxalq indeksli  (ERIHPLUS, DOAJ, EBSCO, Gale Cengage, MLA) “Culture and Civilization” jurnalında dərc olunub (Sayı 10, 2026. s.21-31). Məqalədə XVII–XVIII əsrlərdə Azərbaycanda və digər ölkələrdə istehsal olunmuş, Milli Azərbaycan Tarixi Muzeyinin fondlarında mühafizə edilən, özünəməxsus kompozisiya və təsvir xüsusiyyətləri ilə səciyyələnən keramika nümunələri qonaqpərvərlik ənənələri kontekstində elmi təhlilə cəlb edilib. Sözügedən keramika kolleksiyası yalnız zənginliyi ilə deyil, eyni zamanda müxtəlif tarixi mərhələlərdə fərqli cəmiyyətlərin bədii-estetik təfəkkürü, mədəni xüsusiyyətləri və texnoloji inkişaf səviyyəsi barədə sistemli məlumat mənbəyi kimi çıxış etməsi baxımından mühüm elmi-tarixi əhəmiyyətə malikdir.