.jpg)
Milli Azərbaycan Tarixi Muzeyinin İnnovasiyalar və təhsil proqramları şöbəsinin baş mütəxəssisi Aynur Babayeva görkəmli şairə Xurşidbanu Natəvan ilə bağlı muzeydə qorunan və ekspozisiyada nümayiş olunan materiallar haqqında AZƏRTAC-a müsahibə verib.
Aynur Babayeva bildirib ki, Muzeyin Etnoqrafiya fondunda mühafizə olunan Xurşidbanu Natəvana məxsus şəxsi kolleksiya onun çoxşaxəli yaradıcılığını əks etdirən qiymətli nümunələrdəndir. Fonda qorunan materiallar şairənin bədii tikmə nümunələrini və sənətkarlıq fəaliyyətini əhatə edir, onların bir hissəsi 1886-cı ildə tərtib olunmuş “Gül dəftəri” albomunda toplanıb.
Muzeyin “Azərbaycan mədəniyyəti” ekspozisiya bölməsində Natəvana məxsus xurcun, quranqabı, heybə, geyim dəsti, başmaq və digər eksponatlar nümayiş etdirilir. Aynur Babayeva qeyd edib ki, bu əşyaların əksəriyyəti Natəvanın öz əli ilə hazırlanıb və XIX əsr Azərbaycanının maddi-mədəni irsinin öyrənilməsi baxımından mühüm əhəmiyyət daşıyır.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.