17 iyun-Tibb İşçilərinin Peşə Bayramı Günüdür. 27 sentyabr 2020-ci ildə başlayan Vətən müharibəsində digər hərbi qulluqçularla yanaşı, tibb işçiləri də böyük qəhrəmanlıq və şücaət göstəriblər.
Vətən müharibəsində şəhid olmuş tibb işçilərinə aid bir sıra materiallar Milli Azərbaycan Tarixi Muzeyinin Vətən Müharibəsi fondunda mühafizə olunur. Fondda şəhid hərbi həkim və tibb işçilərinə məxsus hərbi geyimlər, tibbi ləvazimatlar, şəxsi əşyalar, fotoşəkillər, sertifikatlar, fəxri fərmanlar və digər materiallar saxlanılır. Bu eksponatlar sırasında tibb xidməti polkovnik-leytenantı Rasim Abdullayevin, Tibb xidməti leytenantı Turqut Xəlilbəylinin, leytenant Adil Əfəndiyevin, Tibb xidməti leytenantı Azər Şəmilovun, Tibb xidməti leytenantı Mirlətif Ağayevin, Təcili Təxirəsalınmaz Yardım maşının sürücüsü, müharibə iştirakçısı Zahid Əliyevin və Vətən müharibəsi qazisi, sanitar-atıcı baş çavuş Orxan Həsənovun şəxsi əşyalarıdır.
Sözügedən materiallar 2021-ci ildə muzeydə təşkil olunmuş “Anadır arzulara hər zaman Qarabağ” sərgisində nümayiş etdirilmişdir. Həmin materiallar muzeyin Vətən Müharibəsi Fondunun materialları əsasında nəşr olunmuş “Böyük Qələbə Qəhrəmanları” (Bakı: “Aspoliqraf”, 2025, 240) kataloqunda da yer almışdır.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.