Rahib Bəxtiyar oğlu Babayev 1985-ci il iyunun 19-da Naxçıvan Muxtar Respublikası Şahbuz rayonunun Külüs kəndində anadan olub. Orta təhsilini burada aldıqdan sonra 1999–2002-ci illərdə Cəmşid Naxçıvanski adına Hərbi Liseydə, 2002–2006-cı illərdə isə Heydər Əliyev adına Azərbaycan Ali Hərbi Məktəbində təhsil almışdır.
2020-ci ilin sentyabrın 27-də Azərbaycan Respublikasının ərazi bütövlüyünün bərpası uğrunda başlayan Vətən müharibəsi zamanı mayor Rahib Babayev Murovdağ istiqamətində gedən döyüşlərdə “Canavar” postunun alınmasında iştirak edib və sentyabrın 30-da şəhid olub. Azərbaycan Respublikası Prezidentinin müvafiq sərəncamına əsasən, Rahib Babayev ölümündən sonra “Azərbaycan Bayrağı” ordeni, “Vətən uğrunda”, “Kəlbəcərin azad olunmasına görə”, medalları ilə təltif olunub.
Şəhid Rahib Babayevin şəxsi əşyaları (qol saatı və bir ədəd fotoşəkil) muzeyin Vətən Müharibəsi fondunda mühafizə olunur.