Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə müzəffər Azərbaycan ordusu tərəfindən 44 günlük müharibə nəticəsində erməni işğalından azad olunmuş ərazilərimizdə 90-cı illərin əvvəllərinədək fəailyyət göstərmiş kitabxanaların kitab fondlarının bərpası ilə əlaqədar Azərbaycan Respublikası Mədəniyyət Nazirliyi ilə Milli Kitabxananın birgə keçirdiyi kitabtoplama kampaniyasına AMEA Milli Azərbaycan Tarixi Muzeyi də qoşuldu.
Milli Azərbaycan Tarixi Muzeyinin direktoru akademik Nailə Vəlixanlı kitabtoplama kampaniyasının əhəmiyyətini vurğulayaraq bu kimi addımların atılmasını yüksək qiymətləndirdi.
Belə ki, muzeyin Kitabxanasının müdiri İradə Qasımovanın iştirakı ilə 78 adda 780 nüsxə kitab “İşğaldan azad olunan bölgələrdəki kitabxanaların fondu üçün kitabtoplama kampaniyası”na bağışlandı.