Muzeyin Etnoqrafiya elmi-fond şöbəsinin elmi işçisi Aygün Quliyeva Etnoqrafiya fondunda mühafizə olunan Nizami dövrünə məxsus materiallar əsasında video-çarx hazırlayıb. “Nizami dövründən soraq verən eksponatlar” adlı məruzədə fondda qorunan XI-XII əsrlərə aid çıraq, həvəngdəstə və qazanlar haqqında məlumat verilib. 

Məruzəyə muzeyin Etnoqrafiya fondunda mühafizə olunan Ef-596, Ef-9154, Ef-9346, Ef-9437, Af-27373, Af-28027 saylı eksponatlar və əlavə olaraq muzeyin Arxeologiya fondunda qorunan qazanlar cəlb edilib.

Bu materiallar Nizami dövrünün mədəni həyatının və eləcə də XII əsrdə Azərbaycan xalqının məişət mədəniyyətinin öyrənilməsində əvəzsiz mənbədir.