XƏBƏRLƏR
26 İyun, 2021
Milli Azərbaycan Tarixi Muzeyi Azərbaycan xalqını Silahlı Qüvvələr Günü münasibətilə təbrik edir
26 iyun tariximizin əlamətdar səhifələrindən biri - Azərbaycan Milli Ordusunun yarandığı gündür. 1918-ci il iyun ayının 26-da Azərbaycan Xalq Cümhuriyyəti hökuməti Milli Ordunun yaradılması barədə qərar qəbul etmişdir. Bu hadisə Azərbaycan xalqının milli dövlətçilik və milli özünütəsdiq tarixinin ən önəmli mərhələlərindən biri idi. Məhz güclü, nizami ordu 1918-ci il may ayının 28-də elan edilmiş istiqlalın bütün ölkə ərazisində qələbə çalmasını təmin etdi, ölkənin sərhədlərini qoruya bildi.
General Səməd bəy Mehmandarov hərbi nazir, general Əliağa Şıxlinski hərbi nazirin müavini, general Süleyman bəy Sulkeviç isə baş qərargah rəisi təyin olunmuşdu. 1919-cu il milli ordu quruculuğunda həlledici mərhələ olmuşdu. 1920-ci ilin 27 aprel tarixində XI Qızıl Ordunun hücumu ilə Bakıda milli hökumət süqut etmişdi. Azərbaycan istiqlaliyyətinin məhvi ilə Milli Ordunun mövcudluğuna da son qoyulmuşdu. Milli Ordunun ləğvindən sonra generalların əksəriyyəti bolşeviklər tərəfindən güllələnmiş və ya repressiyaya məruz qalmışdı. Ulu öndər Heydər Əliyev Azərbaycana rəhbərliyə qayıdandan sonra ölkədə gerçək ordu quruculuğuna başlanmışdı. Azərbaycan Respublikası Prezidentinin 22 may 1998-ci il tarixli Fərmanına əsasən Milli Ordunun yarandığı gün - 26 iyun tarixi Azərbaycan Respublikası Silahlı Qüvvələri Günü kimi elan edilmişdir. Hər il bu tarix rəsmi dövlət bayramı kimi qeyd edilir.
Bu il Azərbaycan xalqı Silahlı Qüvvələr gününü böyük sevinc və qürur hissi ilə qeyd edir. Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusu xalqımızın qəhrəmanlıq tarixinə yeni parlaq səhifələr yazdı. Azərbaycan torpaqlarını 30 ildən bəri işğal altında saxlamış Ermənistan silahlı qüvvələri darmadağın edildi. Əzəli və tarixi torpağımız olan Qarabağ mənfur düşmənin əsarətindən xilas olundu.
Qeyd edirik ki, Muzeyin fondlarında Azərbaycan Milli Ordusu ilə bağlı eksponatlar qorunur və nümayiş etdirilir. Milli Azərbaycan Tarixi Muzeyi Azərbaycan xalqını Silahlı Qüvvələr Günü münasibətilə təbrik edir.
31 mart- azərbaycanlıların soyqırımı günündən 106 il ötür
Ümumilli lider Heydər Əliyevin 26 mart 1998-ci il tarixli fərmanına əsasən hər il 31 mart azərbaycanlıların soyqırmı günü kimi qeyd olunur. 19...
28 mart Azərbaycanın təhlükəsizlik orqanlarının peşə bayramıdır
Azərbaycanda ilk milli təhlükəsizlik orqanı 28 mart 1919-cu ildə yaradılıb. Azərbaycan Cümhuriyyətinin hərbi naziri Səməd bəy Mehmandarovun əmri ilə ...
27 mart- Elm Günü
Azərbaycan Respublikasının Prezidenti İlham Əliyevin 2018-ci il aprelin 9-da imzaladığı sərəncama əsasən hər il 27 martda ölkəmizdə Elm Günü kimi qeyd...
Muzeydə 31 mart azərbaycanlıların soyqırımının 106-cı ildönümünə həsr olunmuş sərgi keçirilir
Milli Azərbaycan Tarixi Muzeyində Quba şəhəri “Soyqırımı Memorial Kompleksi”nin təşkilatçılığı ilə 31 mart azərbaycanlıların soyqırımının 106-cı ildön...
Muzeydə alman mütəxəssislərin iştirakı ilə arxeoloji tədqiqatlar yekunlaşıb
Bu ilin fevralın 20-dən başlayaraq Milli Azərbaycan Tarixi Muzeyinin Arxeologiya fondunda Vürzburq Universitetinin professoru Dr. Martin Gruberin rəhb...
ELAN
Novruz bayramı ilə əlaqədar 22, 24, 26 mart 2024-cü il tarixlərində muzey fəaliyyət göstərəcək. 23 mart tarixində isə sanitar işləri ilə bağlı muzey f...
Muzeydə Novruz bayramına həsr olunmuş növbəti tədbir-ustad dərsi keçirilib
Milli Azərbaycan Tarixi Muzeyində Novruz bayramına həsr olunmuş “Novruz görüşləri” adlı növbəti ustad dərsi keçirilib. Tədbirdə Fikrət Tağıyev adına 7...
Muzeydə “İqrar Əliyev-100” adlı tədbir keçirilib
Milli Azərbaycan Tarixi Muzeyində Azərbaycan tarixinin tədqiqinə dəyərli elmi töhfələr vermiş, tarixçi-alim, akademik İqrar Əliyevin 100 illiyinə həsr...