27-28 oktyabr 2020-ci il tarixlərində İkinci Vətən müharibəsi zamanı Bərdə şəhərinin Ermənistan Silahlı Qüvvələri tərəfindən raket hücumuna məruz qalmasından bir il ötür. Həmin tarixdə düşmənin silahlı birləşmələri Bərdə şəhərində dinc sakinlərin sıx məskunlaşdığı yaşayış məntəqələrini, mülki və ticarət obyektlərini, o cümlədən fərdi və çoxmənzilli yaşayış binalarının yerləşdiyi ərazini "Smerç" raketləri ilə atəşə tutmuşdur. Nəticədə 27 nəfər şəhid oldu, 70 nəfərdən artıq insan yaralandı.
Muzeydə nümayiş olunan II Vətən müharibəsi dövründə Ermənistan silahlı qüvvələri tərəfindən Bərdənin bombardman edilməsini əks etdirən fotokompozisiya Ermənistanın dövlət terrorizmini bir daha sübut etmiş olur.
Qeyd edək ki, fotokompozisiya Azərbaycanın 44-günlük Vətən müharibəsinə həsr olunmuş “Anadır arzulara hər zaman Qarabağ” adlı sərginin çərçivəsində hazırlanmışdır.