XƏBƏRLƏR

11 Noyabr, 2021
Muzeyin arxeoloji kolleksiyasına maraqlı tapıntı təhvil verilib
Hər il arxeoloqlarımızın fədakar əməyi nəticəsində Azərbaycanın ulu tarixini və zəngin mədəniyyətini özündə əks etdirən neçə-neçə abidə, o cümlədən maddi mədəniyyət nümunəsi aşkar edilərək ikinci həyat qazanırlar.
Sevindirici haldır ki, arxeoloqlarımız öz ənənələrinə sadiq qalaraq gərgin araşdırmalardan sonra tapdıqları maddi nümunələrin elmi və bədii baxımdan əhəmiyyətli hissələrini AMEA Milli Azərbaycan Tarixi Muzeyinə təhvil verirlər. Sona yetməkdə olan 2021-ci il də istisna olmadı. Belə ki, Muzeyin Arxeologiya fonduna daimi mühafizə üçün təhvil verilmiş maddi nümunələr arasında maraqlı bədii tərtibata malik və yumşaq cinsli əhəngdaşından düzəldilmiş riton da var. AMEA Arxeologiya, Etnoqrafiya və Antropologiya İnstitutunun şöbə müdiri t.e.d., prof. Nəcəf Müseyibli tərəfindən muzeyə təhvil verilmiş həmin artefakt 1964-cü ildə qədim Şamaxıda aparılan arxeoloji qazıntılar zamanı tapılıb. Tapıntının müəllifi, mərhum arxeoloqumuz, görkəmli alim Cabbar Xəlilov bu ritona həsr etdiyi məqaləsində onun dini mərasimlərdə içki qabı kimi istifadə olunması ehtimalını irəli sürmüşdü. Onun dövrünü isə e.ə. III-II əsrlərə aid etmişdi.
Muzey mütəxəssisləri hündürlüyü 17 sm, oturacağının diametri 9 sm olan, yuxarı hissəsi iki insan və bir it başı ilə tamamlanan, zəngvari gövdəyə malik bu tapıntının elmi əhəmiyyətini nəzərə alaraq onun ekspozisiyada nümayiş etdirilməsini məqsədəuyğun hesab edirlər.
Qeyd edək ki, bu unikal material muzeyin Arxeologiya fonduna 4 noyabr 2021-ci il tarixində təhvil verilib.
Muzeyin əməkdaşı beynəlxalq elmi-praktiki konfransda iştirak edib
Bakı Musiqi Akademiyasında Azərbaycanın bəstəkarlıq məktəbinin banisi, görkəmli musiqişünas və ictimai xadim Üzeyir Hacıbəylinin 140 illik yubileyinə ...
Muzeyin əməkdaşı elmi konfransda məruzə ilə çıxış edib
Muzeyin Azərbaycan tarixinin elmi tədqiqi və təqdimi şöbəsinin aparıcı elmi işçisi, t.ü.f.d., dos. Əli Fərhadov AMEA-nın Fəlsəfə və Sosiologiya İnsti...
Muzeyin əməkdaşının məqaləsi beynəlxalq elmi jurnalda çap olunub
Muzeyin Azərbaycan tarixinin elmi tədqiqi və təqdimi şöbəsinin əməkdaşı t.ü.f.d., dosent Əli Fərhadovun "Turizm və qonaqpərvərlik tədqiqatları” beynəl...
Ağdam rayonundan aşkarlanmış sikkə dəfinəsini təqdim edirik
1952-ci ildə Ağdam rayonunun Xındırıstan kəndi yaxınlığında arxeoloji əhəmiyyət daşıyan qiymətli bir tapıntı qeydə alınıb. Sözügedən əraziyə ezam olun...
Muzeydə “Abidələr maddi və mənəvi irsimizdir” adlı elmi seminar keçirilib
Milli Azərbaycan Tarixi Muzeyində Xəzər Universiteti və Azərbaycan Dövlət Pedoqoji Universitetinin tələbələri üçün muzeyin Arxeologiya elmi fond şöbəs...
COP29 çərçivəsində fəallıq göstərən muzeyin əməkdaşları Prezident tərəfindən imzalanmış Təşəkkürnamə ilə təltif olunublar
COP29 çərçivəsində həyata keçirilən fəaliyyətlərə verdikləri töhfəyə görə Milli Azərbaycan Tarixi Muzeyinin direktoru, akademik Nailə Vəlixanlı ilə ya...
Muzeydə Beynəlxalq Abidələr və Tarixi Yerlər Gününə həsr olunmuş interaktiv dərs keçirilib
18 aprel dünyada Beynəlxalq Abidələr və Tarixi Yerlər Günü ilə əlaqədar Milli Azərbaycan Tarixi Muzeyində Bakı şəhəri Sabunçu rayonu 80 saylı tam orta...
Muzeydə “Açıq qapı” günü keçirilib
18 Aprel – Beynəlxalq Abidələr və Tarixi Yerlər Günü münasibətilə Azərbaycan Respublikası Mədəniyyət Nazirliyinin tabeliyində fəaliyyət göstər...