25-27 noyabr 2021-ci il tarixlərində AMEA-nın Nizami Gəncəvi adına Milli Azərbaycan Ədəbiyyatı Muzeyinin təşkilatçılığı ilə dahi Azərbaycan şairi və mütəfəkkiri Nizami Gəncəvinin 880 illik yubileyinə həsr olunmuş “Nizami Gəncəvi “Xəmsə”sinin Şərq, Qərb ədəbi-mədəni əlaqələri sistemində yeri və yaratdığı yeni istiqamətlər” mövzusunda beynəlxalq elmi konfrans keçrilmişdir.

Konfransda Milli Azərbaycan Tarixi Muzeyinin "İnnovasiyalar və təhsil proqramları şöbəsinin elmi işçisi Sahibə Ələkbərova “Nizami irsinin təbliğində gənc muzeyşünasların rolu (“Muzeylərimizi tanıyaq və tanıtdıraq” layihəsi əsasında) adlı məruzə ilə çıxış etmişdir. S.Ələkbərova çıxışında  “Nizami Gəncəvi ili” elan edilməsilə bağlı olaraq, Milli Azərbaycan Tarixi Muzeyində fəaliyyət göstərən “ Gənc muzeyşünaslar və muzeysevərlər klubu”nun üzvlərinin 16 aprel 2021 -ci il tarixində dünya şöhrətli şairin yaşayıb-yaratdığı Gəncə şəhərinə ekskursiya edərək, dahi sairin məqbərəsini  və məqbərənin yaxınlığında yerləşən Nizami Gəncəvi Muzeyini  ziyarət etdiklərini bildirib.

© Bütün hüquqlar qorunur. Xəbərlərdən istifadə edərkən www.azhistorymuseum.gov.az/ saytına istinad zəruridir.