AMEA Milli Azərbaycan Tarixi Muzeyinin əməkdaşları tanınmış kino ustası Yaşar Nurinin yaşadığı evində olublar. Yaşar Nurininin yaradıcılıq fəaliyyəti haqqında xanımı Rəhimə Nuriyeva ilə söhbət etdikdən sonra aktyorun şəxsi əşyaları muzey əməkdaşlarına təqdim olunub.
Toplanan materiallar arasında "Humay" mükafatı, “Simurq” Milli Mükafat Fondunun diplomu, M.Əzizbəyov adına Dövlət Dram Teatrının vəsiqəsi, Azərbaycan Respublikası Dövlət Teleradio Verilişləri Şirkətinin vəsiqəsi, yubiley dəvətnamələri, müxtəlif film və tamaşalarda rol aldığı səhnələrdən çəkilmiş şəkillər yer alır.
Görkəmli sənətkarın şəxsi əşyaları muzeyin Sənədli Mənbələr Elmi Fond şöbəsinin müdiri Esmira Rəhimova və şöbənin əməkdaşı Nərmin Bağırova vasitəsilə muzeyə təhvil verilib.
