Azərbaycan Akademik Milli Dram Teatrının bədii rəhbərinin truppa üzrə köməkçisi Elnur Məmmədov tərəfindən tanınmış teatr və kino aktyoru Səyavuş Aslanın şəxsi əşyaları AMEA Milli Azərbaycan Tarixi Muzeyinə təqdim olunub.

Azərbaycan SSR xalq artisti (1982), Azərbaycan Respublikası Prezidentinin təqaüdçüsü (2002), "Şöhrət" (1995) və"Şərəf" (2013) ordenləri ilə təltif olunmuş, komik, faciə və dramatik rolların məharətli ifaçısı Səyavuş Aslanın təqdim olunmuş materialları arasında aktyorun anadan olmasının 50 illiyi münasibətilə təltif olunmuş Fəxri fərmanı (1985-ci il), Azərbaycan Mədəniyyət Nazirliyi və Azərbaycan Teatr Xadimləri İttifaqı tərəfindən verilmiş fəxri nişanları yer alır. 

Aktyorun şəxsi əşyaları muzeyin Sənədli Mənbələrin Elmi Fond şöbəsinin müdiri Esmira Rəhimova və şöbənin əməkdaşı Nərmin Bağırova vasitəsilə muzeyə təhvil verilib.