Milli Azərbaycan Tarixi Muzeyində Aprel döyüşlərinin növbəti ildönümünə hazırlıq məqsədi ilə həmin döyüşlərin iştirakçıları ilə görüş keçirilib.
Görüşdə muzeyin “Azərbaycan tarixinin elmi tədqiqi və təqdimi” şöbəsinin əməkdaşları və Heydər Əliyev adına Azərbaycan Ali Hərbi Məktəbinin zabit və qazi müəllimləri, Aprel döyüşlərinin iştirakçıları - mayor Ağabala Manafov, mayor Anar Nurəddinov və kapitan Səbuhi Mehdizadə iştirak ediblər.
Nəticədə muzeydə böyük Zəfərin başlanğıcı kimi tarixə düşmüş Aprel döyüşləri qəhrəmanlarını xatırlamaq, gənclərin tarixi zəfərin başlanğıcı kimi yaddaşlarımızdan silinməyəcək önəmli hərbi tariximizi gələcək nəsillərə ötürülməsini təmin etmək məqsədilə elmi-praktiki seminar keçirilməsi nəzərdə tutulub. Elmi-praktiki seminarın proqramı zabitlərlə birgə müzakirə olunub, mövzuların müəyyənləşdirilməsi üçün fikir mübadiləsi aparılıb.
Sonda şöbənin elmi işçisi Ləman Musayeva qonaqları H.Z.Tağıyevin xatirə muzeyi ilə tanış edib.