AMEA Milli Azərbaycan Tarixi Muzeyinin Gənc Alim və Mütəxəsislər Şurasının təşkilatçılığı ilə Azərbaycan Universitetinin muzeyşünaslıq ixtisası üzrə təhsil alan tələbələri əyani şəkildə muzey işi ilə tanış olublar.

Muzeyin Arxeologiya elmi fond şöbəsinin müdiri, t.ü.f.d., dos. Nasir Quluzadə və şöbənin əməkdaşı Mircavid Ağalarov tərəfindən gənc muzeyşünaslara muzeyin tarixi və strukturu haqqında məlumat verikdikdən sonra tələbələr fondda qorunan Xaçbulaq, Gəncə-Çovdar, Kültəpə, Tağlar, Azıx, Bəndovan, Gəncə, Qəbələ, Beyləqan kolleksiyaları ilə tanış olublar.

Həmçinin tələbələr muzeyin Bərpa laborotariyasında da olublar. Laboratoriyanın müdiri Afət Rüstəmbəyova və bərpaçı-rəssam Gülşən Hacıyeva tələbələrə metal, gil, kağız, parça və taxta məmulatının bərpasını praktik formada nümayiş etdiriblər.

Sonda muzeylə tanışlıq zamanı M.Ağalarov tələbələrə muzey ekspozsiyasının quruluşu, işıqlandırılması, təhlükəsizliyi və s. barədə qısa məlumat vermiş və onları maraqlandıran sualları ətraflı cavablandırmışdır.