AMEA-nın Ümumi yığıncağı çərçivəsində təşkil olunan sərgi ilə Azərbaycan Respublikası Prezidentinin Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, AMEA-nın Rəyasət Heyətinin üzvləri, dövlət və hökumət rəsmiləri, Milli Məclisin deputatları, akademiyanın həqiqi və müxbir üzvləri, AMEA-nın elmi müəssisə və təşkilatlarının baş və icraçı direktorları, ali təhsil müəssisələrinin rektorları, eləcə də xaricdə yaşayan azərbaycanlı alimlər tanış olublar.

Milli Azərbaycan Tarixi Muzeyinin də təmsil olunduğu sərgidə muzeyin Baş direktoru, akademik Nailə Vəlixanlı qonaqlara elmi tədqiqatlar sahəsində əldə edilən əsas nailiyyətlər, nəşrlər və cari tədqiqatlar haqqında məlumat verib. Həmçinin muzeyin nailiyyətləri quraşdırılmış monitorlar vasitəsilə əyani nümayiş etdirilib.

Sərgidə AMEA Milli Azərbaycan Tarixi Muzeyinin icraçı direktoru, t.ü.f.d., dosent Fərhad Cabbarov da iştirak edib. Akademiyanın elmi nailiyyətlər sərgisində təqdim olunan Milli Azərbaycan Tarixi Muzeyinin materialları maraqla qarşılanıb və yüksək qiymətləndirilib.

Qeyd edək ki, elmi nailiyyətlər sərgisi aprelin 29-dək davam edəcək.