Həkim-rəssam Rauf Canıbəyov muzeyin Təsviri Materiallar fonduna iki əsərini ("İçərişəhər 2", "İçərişəhər 4") hədiyyə edib.

Qeyd edək ki, həkim, eyni zamanda həvəskar rəssam kimi fəaliyyət göstərən, yaradıcılığı çoxşaxəli, əsərlərinin mövzuları müxtəlif olan R.Canıbəyovun yaradıcılığının əsas hissəsini Bakı ilə bağlı mövzular təşkil edir. Onun muzeyə  təqdim etdiyi hər iki əsərində milli memarlıq ənənələrimizi özündə qoruyan və hazırda tarixə düşən, özünəməxsus sadəliyi ilə bərabər möhtəşəmliyini birləşdirən məkanın-İçərişəhərin unikallığını mükəmməl ifadə edə bilmişdir.

Xatırladaq ki, Rauf Canıbəyovun 8-15 aprel 2022-ci tarixlərində Milli Azərbaycan Tarixi Muzeyində “Köhnə Bakı fırça yaddaşında” adlı fərdi sərgisi baş tutmuşdur.