XƏBƏRLƏR
Geri
XƏBƏRLƏR -
Nəşrlər
Çap et
19 May, 2022
Resenziyalı jurnalda muzey əməkdaşlarının məqalələri nəşr edilib

Azərbaycan Dövlət Pedaqoji Universitetinin “Tarix. İnsan. Cəmiyyət” elmi-nəzəri və elmi- metodik jurnalında AMEA Milli Azərbaycan Tarixi Muzeyinin Köməkçi Tarixi Fənn Materialları Fondunun müdiri, t.ü.f.d., dosent Sənubər Qasımovanın “Bakı şəhər Bələdiyyəsinin 1919-cu il istiqrazının tarixinə dair” və muzeyin Numizmatika Fondunun müdiri, t.ü.f.d. Aygün Məmmədovanın “Cəlilabad sikkə dəfinəsi Hülakülərin ticarət əlaqələrini açıqlayır” adlı məqalələri nəşr edilib. 

S.Qasımovanın məqaləsində fondun “Bonistika” bölməsində olan Bakı şəhər Bələdiyyəsinin 1919-cu il istiqrazının ilk daxili uduşlu biletləri tədqiq edilib. Muzeyin Bərpa laboratoriyasında bərpa edilən həmin qiymətli kağızlar hazırda fonddakı xüsusi kağız zərflərdə saxlanılır. 1919-cu ilin Bakı şəhər Bələdiyyəsinin 500 manat dəyərində olan daxili faizsiz istiqrazları şəhər təsərrüfatının maliyyə vəziyyətinin tənzimlənməsində xüsusi əhəmiyyətə malik olub. Həmçinin yerli əhalinin etimadını qazanmaqla Azərbaycan Cumhuriyyətinin pul dövriyyəsində digər kağız pullarla birgə istifadə hüququ qazanmışdır. 

A.Məmmədovanın məqaləsində ilk dəfə olaraq muzeyin Numizmatika Fondunda qorunan 1980-ci ildə Cəlilabad rayonunun Muğan kəndində aşkarlanmış sikkə dəfinəsi ətraflı tədqiq edilib. 109 ədəd gümüş dirhəmdən ibarət bu dəfinə hicri 697 – 723-cü (1297 – 1323) illərə aid gümüş dirhəmlərdən ibarətdir. Çəkisi 2 ilə 5 q arasında dəyişən belə dirhəmlər Naxçıvan, Bazar, Təlli Aras, Ərzurum, Ərzincan, Sivas, Təbriz, Damqan, Kaşan, Şiraz, Kerman, İsfəhan, Marağa, Həmədan, Zəncan, Soltaniyyə, Savə, Vastan, Bağdad zərbxanalarında istehsal edilib. Hülakü (Elxani) hökmdarları – Qazan Mahmud (hicri 694 – 703 = 1295 - 1304), Ulcaytu Xudabəndə Muhəmməd (hicri 703 - 716 = 1304 - 1317) və Əbu Səid (hicri 716 – 736 = 1317 - 1336) dövrünün pul təsərrüfatını açıqlamağa yardım edən bu sikkə dəfinəsi Azərbaycanın Türkiyə, İran və İraq ilə ticarət əlaqələri büruzə verir. Məqalədə belə gümüş dirhəmlər üzərindəki yazılar açıqlanmış, dövrün sikkələrinin təsnifatı və pul təsərrüfatı haqqında məlumat verilmişdir.

    Muzeyin əməkdaşının “Minilliklərin yaddaşı- zərgərlik sənəti” adlı yeni monoqrafiyası işıq üzü görüb
    Milli Azərbaycan Tarixi Muzeyinin Etnoqrafiya elmi fond şöbəsinin müdiri, t.ü.f.d., dos. Gülzadə Abdulovanın muzeyin dəyərli kolleksiyası əsasında haz...
    Muzeyin “XIX-XX əsrin əvvəllərində Azərbaycanda təhsil” adlı yeni kataloqu işıq üzü görüb
    Milli Azərbaycan Tarixi Muzeyinin dəyərli kolleksiyası əsasında hazırlanmış “XIX-XX əsrin əvvəllərində Azərbaycanda təhsil” adlı yeni kataloqu işıq üz...
    1 İyun – Uşaqların Beynəlxalq Müdafiəsi Günü ilə bağlı muzeyin dəyərli kolleksiyası əsasında hazırlanmış “Azərbaycan ailəsinin uşaq dünyası” adlı yeni kitab-albomunu təqdim edirik
    Milli  Azərbaycan Tarixi Muzeyinin dəyərli kolleksiyası əsasında hazırlanmış “Azərbaycan ailəsinin uşaq dünyası” adlı yeni kataloqu işıq üzü görüb (Ba...
    Muzeyin dəyərli kolleksiyası əsasında yeni kataloqu işıqüzü görüb
    “Milli Azərbaycan Tarixi Muzeyinin “sehrli” kolleksiyası: Amulet, Həmayil, Dualar” adlı yeni kataloqu işıq üzü görüb (Bakı: Aspoliqraf, 2023, 48səh). ...
    Muzeyin təkəlduz tikmələri kolleksiyası əsasında hazırlanmış yeni kataloqunu təqdim edirik
    “Milli Azərbaycan Tarixi Muzeyinin təkəlduz tikmələri kolleksiyası” adlı yeni kataloq işıq üzü görüb (Bakı: Aspoliqraf, 2023, 80səh). Kataloqun elmi r...
    Muzeyin “Azərbaycan qadınlarının baş bəzəkləri” adlı yeni kataloqunu təqdim edirik
    Azərbaycan Tarixi Muzeyinin dəyərli zərgərlik kolleksiyası əsasında “Azərbaycan qadınlarının baş bəzəkləri” adlı yeni...
    Muzeyin növbəti elmi məqalələr toplusu işıq üzü görüb
    “Milli Azərbaycan Tarixi Muzeyi – 2023” növbəti elmi məqalələr toplusu (Bakı, “Aspoliqraf”, 2023, 210 s.) işıq üzü görüb. Muzeyin Elmi Şurasının qərar...
    Bakı milyonçusu H.Z.Tağıyevin qızı Sara Tağıyevaya həsr olunmuş kitab işıq üzü görüb
    Milli Azərbaycan Tarixi Muzeyinin elmi şurasının qərarı ilə «Я – дочь бакинского миллионера Тагиева» (“Mən Bakı milyonçusu Tağıyevin qızıyam”. Bakı: “...