Muzeyin Təsviri Materiallar fondunda Azərbaycan şəhərlərinin müxtəlif dövrlərini əks etdirən gerblərin təsvirləri (Bakı, Gəncə, Şəki, Lənkaran, Zaqatala, Quba, Şamaxı, Naxçıvan və s.) qorunur. Materiallar arasında Şuşa şəhərinin ilk gerbinin təsviri xüsusi yer tutur.

Qədim Şuşanın gerbi üç hissəyə bölünmüş, bir hissəsində sağ tərəfdə ayaq üstə durmuş pələng, digər hissəsində yerdən püskürən alov, aşağı hissəsində isə yaşıl çəmənlikdə yəhərli, cilovlu Qarabağ atı təsvir olunmuşdur. Gerb, eləcə də rənglərin harmoniyası baxımından diqqət çəkir.