Milli Azərbaycan Tarixi Muzeyinin arxeoloji kolleksiyasında Azərbaycan xalqının zəngin maddi və mənəvi mədəniyyətini, qədim tarixini özündə əks etdirən xeyli sayda tapıntı mövcuddur. Onların arasında forma və məzmun baxımından diqqət cəlb edən nümunələr də yer alıb. Belə nümunələrdən biri də 1946-1953-cü illərdə arxeoloq Saleh Qazıyevin rəhbərliyi altında Qədim Mingəçevir ərazisində aparılmış genişmiqyaslı qazıntılar zamanı üç monqol döyüşçüsünün qəbrindən tapılmış qəhvəyimtil-yaşıl rəngli ipək geyim (xalat) qalıqlarıdır. Bu qalıqlar keçən əsrin 50-ci illərinin ortalarında Leninqrada (indiki Sankt-Peterburqa) - Dövlət Ermitajına aparılaraq bərpaçılar tərəfindən astar parçanın üzərinə tikilmiş və xalat indiki görkəmini almışdır.
Hazırda muzeyin arxeoloji kolleksiyasında 2 ədəd qismən bərpa olunmuş xalat qorunur. Mütəxəssislər qəbrin avadanlığına daxil olan digər tapıntıları da nəzərə alaraq həmin xalatları XIII əsrin sonu-XIV əsrin əvvəlinə aid etmişlər. Ümumilikdə, bu xalatlar Azərbaycan tarixinin monqol yürüşləri ilə səciyyələnən mərhələsini öyrənmək, eləcə də ekspozisiya vasitəsilə təqdim etmək üçün qiymətli əşyavi mənbələrdəndir.
Muzeyin arxeoloji kolleksiyasının incilərindən: tunc zoomorf asmalar
Bu gün Azərbaycan-Ermənistan dövlət sərhədində 2022-ci ilin 12–14 sentyabr tarixlərində baş vermiş döyüşlərdən 4 il keçir.
Azərbaycanda zərb edilən sikkələr orta əsrlər tarixinin və pul təsərrüfatının tədqiqində önəm kəsb edən tapıntılardandır. Hülakülər (Elxanilər) dövrünün numizmatik tapıntıları sayəsində adı yalnız sikkələr üzərində qalmış Bazar şəhər-zərbxanası barədə məlumat toplamaq mümkündür.
Bu il dahi özbək şairi, filosofu və dövlət xadimi Nizaməddin Əlişir Nəvainin anadan olmasının 585-ci ildönümüdür.