Milli Azərbaycan Tarixi Muzeyinin İnnovasiyalar və Təhsil Proqramları şöbəsinin baş mütəxəssisi Qənirə Qafarlının impakt faktorlu “Elmi iş” beynəlxalq elmi jurnalının "X Beynəlxalq Elmi Araşdırmalar Konfransının Materialları" adlı toplusunda "Heydər Əliyev Fondu və humanizm idealları" adlı tezisi çap olunmuşdur (səhifə 53-56).

Tezisdə sözügedən fondun fəaliyyətinin yalnız xalqa xidmət etmək, milli-mənəvi dəyərləri qorumaq və təbliğ etmək, Azərbaycan dövlətçiliyinə xidmət etmək deyil, həmçinin dünyada ölkəmizin, xalqımızın sahib olduğu humanizm idealını, insansevərlik fəlsəfəsini tanıtması və qlobal mahiyyətli humanizm və bəşəri dəyərlər akademiyası olması məsələləri təhlil edilmişdir. “Elmi iş” jurnalı bir çox beynəlxalq indekslərdə yerləşdirilib (Google scholar, ASOS, Crossref) və müəllifə Crossref təşkilatı tərəfindən beynəlxalq sertifikat verilib.