Xaliq Kamil oğlu Hüseynov 20 sentyabr 2001-ci il tarixində Bakı şəhəri Nardaran qəsəbəsində dünyaya gəlib. Bakının Sabunçu rayonunun Nardaran qəsəbəsindəki 295 nömrəli tam orta məktəbi bitirdikdən sonra, peşə məktəbində təhsilini davam etdirib. O, bir müddət cüdo idman növü ilə məşğul olmuş, 2020-ci il yanvarın 27-də həqiqi hərbi xidmətə çağırılmışdır. Xaliq Hüseynov həmin ilin 27 sentyabr tarixində Vətən Müharibəsi başlanan zaman Tərtər-Ağdərə istiqamətində və Suqovuşan, Cəbrayıl, Füzulidə gedən döyüşlərdə baş atıcı kimi şücaət göstərmişdir. Xaliq Hüseynov 16 oktyabr 2020-ci il tarixində Kəlbəcərin Keçəltəpə kəndində xüsusi tapşırığı yerinə yetirərkən qəhrəmancasına şəhid olmuşdur. Ölümündən sonra “Suqovuşanın azad olunmasına görə” ordeni, “Vətən uğrunda” və “Cəsur döyüşçü” medalları ilə təltif edilmişdir.
Şəhid Xaliq Hüseynova məxsus döyüş zamanı çəkilmiş iki fotoşəkil muzeyin Vətən Müharibəsi fondunda mühafizə olunur.