21 sentyabr 2022-ci il tarixində Azərbaycan İlahiyyat İnstitutu, Mənəvi Dəyərlərin Təbliği Fondu və Türkiyənin Kırıkkale Universitetinin birgə təşkil etdiyi “İslam mədəniyyətində birgəyaşayış təcrübəsi” mövzusunda beynəlxalq simpozium keçirilib.

Milli Azərbaycan Tarixi Muzeyinin əməkdaşları – t.ü.f.d., dosent Tural Şiriyev "Azərbaycan müsəlman mədəniyyətində el köməyi adətlərinin rolu”, t.ü.f.d., dosent Əli Fərhadov “Azərbaycanda Mir Məhəmməd Kərim əl-Bakuvi nümunəsində İslam vəhdətinə çağırış” adlı məruzələri ilə çıxış ediblər.

Qeyd edək ki, simpoziumun keçirilməsində məqsəd İslam mədəniyyəti kontekstində fərqli din nümayəndələrinin birgəyaşayışı ilə bağlı vəziyyəti müzakirə etmək və onları təşviq etmək, müvafiq sahə üzrə mütəxəssis və tədqiqatçıların verdikləri töhfələri üzə çıxarmaq, ictimai və fərdi tədqiqatların artırılmasına zəmin yaratmaqdır.

Simpoziumun materialları nəşr ediləcək.