Milli Azərbaycan Tarixi Muzeyinin Bərpa laboratoriyasında “Xan qızı” adı ilə tanınan Xurşudbanu Natəvanın öz əlləri ilə, avropasayağı stildə tikdiyi ipəkdən köynəyin üzərində bərpa və konservasiya işləri davam edir. İpək krujeva ilə nazik fransız ipək parçadan hazırlanmış köynək qadın geyim dəbində baş verən dəyişikliklərdən, yeniliklərdən, milli ənənəvi üslubdan Avropa üslubuna keçiddən xəbər verir. Eksponatın tarixi və mədəni əhəmiyyəti nəzərə alınaraq, bərpa və konservasiya işləri zamanı materialın heç bir hissəsi demontaj edilmədən həyata keçirilir.

Bərpa və konservasiya işləri yekunlaşdıqdan sonra eksponat ictimaiyyətə təqdim ediləcək.

Eksponatın konservasiya və bərpa işləri muzeyin tekstil üzrə bərpaçı-rəssamı Nuridə Hüseynova tərəfindən icra olunur.