Milli Azərbaycan Tarixi Muzeyində fəaliyyət göstərən Arxeo klubun təşkilatçılığı ilə "Vikipediyada tarixi məqalələrin yaradılması" adlı təlim baş tutmuşdur.
Təlimdə Vətən Müharibəsi fondunun müdiri Şəfa Mövsümov Azərbaycan Universitetinin muzeyşünaslıq, arxivşünaslıq və abidələrin mühafizəsi ixtisası üzrə təhsil alan III kurs tələbələrinə "Vikipediyada tarixi məqalələrin yaradılması" mövzusunda məruzə edib. Şəfa Mövsümov ilk olaraq, dinləyicilərə qloballaşan dünyada elektron məlumat daşıyıcılarının geniş yayılmasını vurğulayaraq, bu müstəvidə vikipediyanın əhəmiyyətindən danışıb. Bundan sonra təlimçi vikipediyanın əsas qaydalarını izah edib və praktik olaraq məqalə yaratma metodları ilə slaydlar vasitəsilə təlim iştirakçılarını tanış edib.