Vaxtilə ən cazibəli istirahət məkanlarından olan “Mirvari” kafesi Bakı bulvarının əsas incilərindən sayılır. Kafenin ideyası 1960-cı illərdə Bakı meri Əliş Ləmbəranski tərəfindən verilib. Məkanı layihələndirmək isə memar Vadim Şulqinə həvalə olunub. V.Şulqin "Mirvari"ni layihələndirərkən əsasən məkanın quruluşunun orijinallığına nəzər yetirib. Kafe mirvarinin qabı formasında dəmir-betondan tikilib. Böyük dalğa üslubunda heyrətamiz nazik dam səthi ilə formalaşmış bu cazibədar memarlıq nümunəsi olan kafe 1962-ci ildə müştərilərin istifadəsinə verilir və bulvarın əsas simvoluna çevrilməklə yanaşı, Bakını dünyaya tanıdan bir məkana çevrilir.

"Mirvari" kafesinin təqdim olunan fotosu muzeyin Fotoneqativ materialları fondunda qorunur.