Milli Azərbaycan Tarixi Muzeyinin elmi katibi, t.ü.f.d. Sevinc Nəsirova muzeyin zəngin kolleksiyası əsasında Qarabağın maddi-mədəniyyət nümunələri ilə bağlı Azərbaycan Kooperasiya Universitetinin Marketinq və Menecment fakültəsinin Müzeyşünaslıq, arxiv işi və abidələrin qorunması ixtisası üzrə təhsil alan tələbələrinə fotoslayd müşayiəti ilə mühazirə deyib.

Muzeydə baş tutmuş mühazirədə tanınmış Qarabağ nəsillərindən olan Cavanşir, Kəbirlinski və Mehmandarovlarla bağlı dəyərli məlumatlar tələbələr üçün xüsusi maraq və əhəmiyyət kəsb edib.

Daha sonra tələbələr mühazirəçiyə mövzu ilə bağlı, xüsusən də Qarabağın tarixi və maddi-mədəniyyət nümunələrinə dair onları maraqlandıran suallar vermiş, fikir mübadiləsi aparmışlar.

Sonda tələbələr muzeydə nümayiş olunan “Xarıbülbülün vətəni- Şuşa” adlı sərgini ziyarət ediblər.