Azərbaycan Respublikası Mədəniyyət Nazirliyinin dəstəyi, Azərbaycan Respublikasının Dövlət Gömrük Komitəsi və Azərbaycan Yaradıcı Sənayelər Federasiyasının tərəfdaşlığı ilə UNESCO-nun “Mədəni sərvətlərin qeyri-qanuni idxalı, ixracı və mülkiyyət hüququnun ötürülməsinin qadağan edilməsi və qarşısının alınması vasitələri haqqında 1970-ci il Konvensiyası” mövzusunda təlim keçirilib.

Təlimdə Milli Azərbaycan Tarixi Muzeyinin İnnovasiyalar və təhsil proqramları şöbəsinin əməkdaşı Aynur Babayeva iştirak edib.

"Qlobal Kommunikasiyalar və İnnovasiyalar” şirkəti tərəfindən "İrsin idarəedilməsi bacarıqlarının inkişafı” təlim proqramı çərçivəsində növbəti, 5-ci təlim kursunun keçirilməsinin məqsədi mədəni sərvətlərin qeyri-qanuni idxalı, ixracının qarşısının alınması və müvafiq təşkilatların bununla bağlı maariflənməsindən ibarətdir.

Sonda təlim iştirakçıları sertifikatla təltif olunublar.