Beynəlxalq Mülki Müdafiə Təşkilatının Baş məclisinin qərarı ilə 1972-ci ildən etibarən hər il martın 1-i bu təşkilata üzv ölkələrdə Ümumdünya Mülki Müdafiə Günü kütləvi humanitar tədbir kimi qeyd olunur.

Milli Azərbaycan Tarixi Muzeyində ümumdünya Mülki Müdafiə gününə həsr olunmuş tədbir keçirildi. Tədbirdə Mülki müdafiə qərargahının rəisi, t.ü.f.d. Rasim Sultanov çıxışında mülki müdafiənin əhəmiyyətindən danışaraq bildirdi ki, belə tədbirlərin təşkili baş verə biləcək təbii fəlakət, yanğın və qəza hadisələri zamanı düzgün təxliyə qaydalarının öyrənilməsi üçün vacibdir.

Tədbirdə, həmçinin, muzey əməkdaşlarına qəza və təbii fəlakətlər zamanı görüləcək müəyyən davranış qaydaları haqqında məlumat verildi və xüsusi avadanlıqalarından necə istifadə olunması əyani şəkildə göstərildi.