Milli Azərbaycan Tarixi Muzeyinin İnnovasiyalar və təhsil proqramları şöbəsinin baş mütəxəssisi Qənirə Qafarlı Azərbaycan Qadın və İnkişaf Mərkəzinin Uşaq və Gənclərin Sülh Şəbəkəsinin nəzdində fəaliyyət göstərən Liderlik məktəbinin şagirdlərinə "Milli Azərbaycan Tarixi Muzeyinin eksponatlarında milli-mənəvi dəyərlərimizin əksi" adlı mühazirə deyib. Mühazirədə muzeyin tarixi, yerləşdiyi bina, strukturu, fondları, nadir eksponatları, həmçinin, məhşur xeyriyyəçi H.Z.Tağıyevin həyat və fəaliyyəti haqqında ətraflı məlumat verilib.

Mühazirənin sonunda şagirdlərin əvvəlki biliyi, təcrübəsi və yeni bilikləri arasında əlaqə yaratmağa imkan verən mövzu və problemlər barədə düşüncələrini təmin etmək üçün BİBÖ (nəyi bilirik, nəyi bilmək istəyirik, nəyi öyrəndik və nəyi öyrənməliyik) cədvəli hazırlanıb.