Bakı Beynəlxalq Multikulturalizm Mərkəzinin (BBMM) təşkil etdiyi “Azərbaycan multikulturalizmi” adlı beynəlxalq elmi seminarda Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsinin əməkdaşı, t.ü.f.d., dos. Əli Fərhadov "Qədim türk inancları və Azərbaycanda islam" mövzusunda məruzə ilə çıxış edib. Ə.Fərhadov məruzəsində qədim türklərin tək tanrı inancı, dində vəhdət və tolerantlıq, Azərbaycan ruhaniləri, sufilər və maarifçilər, xarici missionerlər haqqında geniş məlumat verib. Həmçinin, multikulturalizmin və islam həmrəyliyinin  təkcə dövlət siyasəti yox, həm də Azərbaycan xalqının tarixən mövcud olmuş həyat tərzi olduğunu bildirib.

Məruzə iştirakçılar tərəfindən maraqla qarşılanıb. Verilən suallar ətraflı cavablandırılıb.