24 may 2023-cü il tarixində Ukraynanın M.Draqomanov adına Dövlət Universitetinin təşkilatçılığı ilə şərqşünas-professor V.Beylisin (1923-2001) xatirəsinə həsr edilmiş “Avropa və Şərq” adlı beynəlxalq elmi konfrans keçirilib.  Konfransda Milli Azərbaycan Tarixi Muzeyinin Numizmatika fondunun müdiri, t.ü.f.d. Aygün Məmmədova “Azərbaycan və Ukraynada aşkarlanan Salari dirhəmləri” mövzusunda məruzə edib (türk dilində). Tədqiqatçı fotoslaydla müşayiət olunan məruzəsində nadir numizmatik tapıntılara əsaslanaraq, tədqiq edilən dövrün Azərbaycan şəhər-zərbxanaları və ticarət əlaqələri haqqında məlumat verib. Məruzə maraqla qarşılanıb və verilən suallar ətraflı cavablandırılıb.