Azərbaycan Respublikasının Mərkəzi Bankı tərəfindən mütəmadi olaraq ölkəmizin görkəmli şəxsiyyətlərinə, tarixinə, mədəniyyətinə, incəsənətinə həsr olunmuş, eləcə də ictimai-siyasi və tarixi proseslərini əks etdirən mövzulara aid, müxtəlif qiymətli metallardan hazırlanmış yubiley və xatirə pul nişanları istehsal olunaraq tədavülə buraxılır. Tədavülə buraxılan bu nişanlar hər zaman ölkə ictimaiyyəti, yerli və xarici tədqiqatçılar tərəfindən maraqla qarşılanıb. Yeni nəsil yubiley və xatirə pul nişanlarının muzeyin yeni qurulacaq ekspozisiyasında sərgilənməsi məqsədilə 8 iyun 2023-cü il tarixində Mərkəzi Bank və Milli Azərbaycan Tarixi Muzeyi arasında müqavilə bağlanmış və bu müqaviləyə əsasən dövlət əhəmiyyəti olan pul nişanları muzeyə hədiyyə edilmişdir. Təqdim olunan dəyərli materiallar arasında əsasən kağız, metal, yubiley, xatirə və investisiya məqsədli pul nişanları yer alır.
Qeyd edək ki, yeni qurulan ekspozisiya tezliklə ziyarətçilərin ixtiyarına veriləcək.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.