1875-ci ilin 22 iyul tarixində görkəmli maarifçi, publisist Həsən bəy Zərdabinin təsisçisi olduğu “Əkinçi” qəzetinin çapı ilə Azərbaycan milli mətbuatının təməli qoyuldu və xalqımızın milli oyanışında yeni səhifə açıldı. Maarifçilik ideyalarının daşıyıcısı olan “Əkinçi” qəzeti milli təfəkkürlü ziyalıların yetişməsində böyük xidmətlər göstərdi. XX əsrin əvvəllərində Azərbaycanda 200-dən çox dövri mətbuat orqanı nəşr edildi. Bu dövrdə ilk milli jurnal-“Molla Nəsrəddin”, ilk qadın qəzeti- “İşıq”, ilk uşaq jurnalı- “Dəbistan” dərc olundu.  

Azərbaycan Respublikası Prezidentinin sərəncamı ilə "Əkinçi" qəzetinin nəşrə başladığı gün Milli Mətbuat və Jurnalistika Günü kimi qeyd olunur. Mətbuat günü ilə əlaqədar Milli Azərbaycan Tarixi Muzeyinin yeni ekspozisiyasında yer alan, Azərbaycanın mətbuat tarixini əks etdirən eksponatları təqdim edirik.