Bu gün, sentyabrın 1-i məşhur neft sənayeçisi, ictimai xadim, xeyriyyəçi Hacı Zeynalabdin Tağıyevin vəfatının 99-cu ildönümüdür.
H.Z.Tağıyevin yaşadığı sarayda yerləşən Milli Azərbaycan Tarixi Muzeyində 2007-ci ildən etibarən böyük mesenatın xatirə muzeyi fəaliyyət göstərir. Hal-hazırda Milli Azərbaycan Tarixi Muzeyi ölkəmizdə H.Z.Tağıyev irsini araşdıran və onu təbliğ edən əsas elmi və mədəni mərkəzdir. Burada H.Z.Tağıyevə aid əşyalar, sənədlər, fotoşəkillər qorunur, onun həyat və fəaliyyətinə dair tədqiqatlar aparılır, əsərlər çap olunur.
Qeyd edək ki, ənənəyə uyğun olaraq sentyabrın 1-də Milli Azərbaycan Tarixi Muzeyində “açıq qapı” günü keçirilir və ziyarətçilər üçün giriş ödənişsizdir.
Böyük şəxsiyyətin xatirəsi əbədi olaraq xalqımızın yaddaşında yaşayacaq.