25 oktyabr tarixində Özbəkistan Respublikası Elmlər Akademiyası Özbəkistan Tarixi Dövlət Muzeyi tərəfindən “Muzeylər: ənənə inteqrasiyaları, novasiyalar və renovasiyalar” beynəlxalq elmi-praktiki konfrans keçirilib. Bir sıra ölkələrin tədqiqatçılarının, alimlərinin iştirak etdiyi konfransda Milli Azərbaycan Tarixi Muzeyinin əməkdaşları- Numizmatika fondunun müdiri, t.ü.f.d. Aygün Məmmədova “Azərbaycanın Masallı rayonunda aşkarlanan Samani sikkələri”, İnnovasiyalar və təhsil proqramları şöbəsinin müdiri Fəridə Şəmsi “Milli Azərbaycan Tarixi Muzeyində tədris-əyləncə proqramlarının yeni formaları” və Arxeologiya elmi-fond şöbəsinin elmi işçisi, t.ü.f.d. Emin Məmmədov “Müasir dünyada muzey işinin inkişafı” adlı məruzələrində muzeylərdə qorunan maddi-mədəniyyət nümunələri və digər materiallar, onların müasir tədqiqi və təbliği, həmçinin yeni tələblərə müvafiq muzey fəaliyyəti haqqında  məlumat veriblər (fotoslaydın müşayiətilə, onlayn).  

Konfrans məqalələrinin nəşri nəzərdə tutulub.