Milli Azərbaycan Tarixi Muzeyinin yeni ekspozisiyasından qızıl və gümüş nümunələrinin yer aldığı “Azərbaycan zərgərlik sənəti XIX əsrdə” adlı vitrini təqdim edirik. Yerli zərgərlərin ustalığından, onların texniki cəhətdən yüksək inkişaf səviyyəsindən xəbər verən bu nadir zinət əşyaları şəbəkə, qarasavat, döymə, tökmə, çaxma və.s kimi müxtəlif zərgərlik üslubunda hazırlanmışdır. Muzeyin milli kolleksiyasında öz forma müxtəlifliyi, detalların rəngarəngliyi və kompozisiya mürəkkəbliyi ilə seçilən çoxsaylı belə nümunələr qorunub saxlanmaqdadır. Ən çox maraq doğuran cəhət həmin dövr üçün bu materialların istehsal incəliyi ilə yanaşı, həm də onların üzərində olan, öz bədii xüsusiyyətlərinə görə işlənən əlvan ornamentlərdir.

Xalqımızın zəngin və qədim adət-ənənələrini özündə əks etdirən bu dəyərli esksponatlar muzeyin yeni ekspozisiyasında ziyarətçilər üçün maraq doğuracaq.