“Suraxanı” Gəmi Muzeyində 20 Yanvar faciəsinin 34-cü ildönümünə həsr olunmuş “20 Yanvar – Qəhrəmanlıq salnaməsi” adlı sərgi keçirilib.

Sərgini Milli Azərbaycan Tarixi Muzeyinin direktoru, akademik Nailə Vəlixanlı və bir sıra muzey əməkdaşları ziyarət ediblər.

Qeyd edək ki, sözügedən sərgidə muzeyin fondlarında (Sənədli mənbələr, Hədiyyələr və xatirə əşyaları, Təsviri materiallar, Etnoqrafiya fondları) qorunan, 20 Yanvar hadisələrini əks etdirən 108 adda eksponat nümayiş olunub. Sonda muzeyin əməkdaşları “20 yanvarda doğulanlar” adlı bədii-sənədli filmini izləyiblər.

Sərgi 25 yanvaradək davam edəcək.