Milli Azərbaycan Tarixi Muzeyinin Vətən müharibəsi fondunda Azərbaycanın Ali Hərbi Təyyarəçilik Məktəbinə məxsus geyim dəsti qorunur. Təqdim olunan geyim dəstinə göy rəngli mərasim kiteli (üzərində Hərbi Hava Qüvvələrinə aid fərqlənmə nişanları, rütbələri və şevronları var) , göy rəngli mərasim şalvarı , göy rəngli uzunqol köynək, qara rəngli qalstuk, göy rəngli baş geyimi (furajka), bir cüt qara rəngli ayaqqabı və corab daxildir. Xatırladaq ki, sözügedən eksponatlar 19 may 2021-ci il tarixində muzeydə Azərbaycanın Vətən Müharibəsində parlaq qələbəsi və torpaqlarımızın azad edilməsinə həsr olunmuş “Anadır arzulara hər zaman Qarabağ” adlı sərgidə nümayiş edilmişdir.