Müdafiə Nazirliyi, Elm və Təhsil Nazirliyi, “İnnovativ Təşəbbüslər” İctimai Birliyinin dəstəyi ilə Bakı şəhəri M.Müşviq adına 18 nömrəli tam orta məktəbdə hərbi vətənpərvərlik mövzusunda tədbir keçirilib. Tədbirdə məktəbin direktoru Leyla Fətiyeva, ictimai birliyin sədri Əşrəf Əhmədov, Vətən müharibəsi iştirakçısı, qazi Şərbət Mahmudov, Azərbaycan Respublikası Mədəniyyət Nazirliyinin Milli Azərbaycan Tarixi Muzeyinin Vətən müharibəsi fondunun müdiri Şəfa Mövsümov və M.Müşviq adına 18 nömrəli tam orta məktəbin şagird və müəllim heyəti iştirak edib. Muzeyin əməkdaşı Şəfa Mövsümov çıxışında məktəblilər arasında hərbi vətənpərvərliyin təbliği, zərərli vərdişlərdən uzaqlaşmaq və maarifləndirmə işləri mövzusunda aparılan işlərdən danışıb. Həmçinin, muzeyin Vətən Müharibəsi fondunda mühafizə olunan şəhid və qazilərimizə məxsus materiallar barədə məlumat verib.
Tədbirin sonunda şagirdlərin və müəllimlərin sualları qonaqlar tərəfindən cavablandırılıb.
