Bu gün, 26 aprel şəhid, leytenant Elnur Cəbrayılovun doğum günündən 43 il ötür. Elnur Cəbrayılov 1981-ci il aprel ayının 26-da Göygöl rayonunun Çaylı kəndində anadan olub. 1988- 1999-cu illərdə Gəncə şəhər 2 saylı orta məktəbdə, 2003-cü ildə Gəncə Dövlət Universitetinin Tarix fakültəsində təhsil alıb. 2003-cü ildə hərbi xidmətə başlayan Elnur Cəbrayılov xidmət etdiyi dövrdə Azərbaycan Silahlı Qüvvələri Təlim və Tədris Mərkəzində təhsil alaraq,  leytenant rütbəsinə qədər yüksəlib.

Elnur Cəbrayılov 2016-cı ilin aprel döyüşlərində iştirak edərək, Lələtəpə yüksəkliyi və ətraf bölgələrin düşməndən azad edilməsində xüsusi şücaət göstərib. Bu qələbədən sonra Elnur Cəbrayılov kapitan rütbəsinə yüksələrək, taborun təlim tərbiyə üzrə komandiri vəzifəsində xidmətini davam edib.

Elnur Cəbrayılov 13 oktyabr 2020-ci il tarixində Vətən Müharibəsi zamanı Füzuli rayonunun Aşağı Əbdürrəhmanlı kəndi istiqamətində gedən döyüşlərdə qəhrəmancasına şəhid olub.

Qeyd edək ki, Milli Azərbaycan Tarixi Muzeynin Vətən müharibəsi fondunda şəhid, leytenant Elnur Cəbrayılova məxsus (kitel, səhra yay papağı, qol saatı, haqqında dərc olunan qəzet materialı , fəxri fərman, sertifikatlar və fotoşəkillər) şəxsi əşyalar mühafizə olunur.