Alman əsilli fransız yazıçı, alim Qraf Peter von Schoenborn Azərbaycan qadınının qədim dövrdən indiki zamana qədər olan inkişafı, həyat tərzi, geyimləri, əl işləri haqqında məlumat toplamaq məqsədilə Azərbaycana səfər edib. Səfər çərçivəsində tədqiqatçı alim Peter von Schoenborn Milli Azərbaycan Tarixi Muzeyini ziyarət edib və muzeyin direktoru, akademik Nailə Vəlixanlı ilə görüşərək öz tədqiqatı və ərsəyə gətirdiyi kitabları ilə bağlı məlumat verib.

Görüşdən sonra Qraf Peter von Schoenborn muzeyin yeni ekspozisiyasında Azərbaycan qadınlarının həyat tərzlərini, milli geyimlərini, bəzək əşyalarını, onların ümumi görünüşlərini əks etdirən unikal eksponatlarla tanış olub və yeni kitabı üçün eksponatların fotolarını çəkib, qeydlər aparıb.