Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsinin müdiri, t.e.d. Nərgiz Əliyevanın “Роль «Китаб ал-Муштарик» Йакута аль-Хамави в уточнении топонимов Кавказа и Азербайджана” (Qafqaz və Azərbaycan toponimlərinin aydınlaşdırılmasında Yakut əl-Həməvinin “Kitab əl-Müştərik”inin rolu) adlı məqaləsi Rusiyanın “Tarix, İqtisadiyyat və Hüquq Elmi-Tədqiqat İnstitutunun "Современная научная мысль" adlı jurnalında çap olunmuşdur. Məqalədə şərqşünas alim Nərgiz Əliyevanın Qafqaz və Azərbaycana aid toponimlərlə zəngin olan Yaqut əl-Həməvinin “Kitab əl-müştərik” əsəri haqqındakı araşdırmaları öz əksini tapmışdır (2024, no. 3, c.154-161). Tədqiqatçı alim N.Əliyevanın təqdim etdiyi məqalədə göstərilir ki, əsərdə istifadə olunan qiymətli məlumatlar hələ öz dövründə Xilafət tərkibindəki ölkələri birləşdirən müsəlman mədəniyyəti xadimlərinin, o cümlədən azərbaycanlı ziyalıların üzə çıxarılması işində mühüm mənbə olmuş, həmin xalqların mədəniyyətlərindəki ortaq xüsusiyyətləri müəyyənləşdirməyə aydınlıq gətirmişdir.