Bu gün – 14 fevral Azərbaycanda Hərbi Hava Qüvvələri Günü kimi qeyd olunur. 1992-ci ilin məhz bu günündə Milli Ordunun Hərbi Hava Qüvvələri ayrıca bölmə kimi təsis edilib. 1997-ci ildən etibarən Azərbaycanın Ali Hərbi Təyyarəçilik Məktəbi milli hərbi təyyarəçilərin hazırlanmasına başlayıb. Hərbi Hava Qüvvələrinin şəxsi heyəti 2016-cı ilin Aprel döyüşlərində və 2020-ci ilin 44 günlük Vətən müharibəsində şücaət göstərərək, ölkənin ərazi bütövlüyü uğrunda qəhrəmanlıqla vuruşublar. Hazırda Azərbaycan Hərbi Hava Qüvvələrinin pilotları MDB məkanında ən çox uçuş keçirmiş pilotlar sırasında yer alırlar. Onlar əsasən Ali Hərbi Təyyarəçilik Məktəbində təhsil alır, Türkiyə, Ukrayna, ABŞ və digər ölkələrdə ixtisasartırma kurslarında iştirak edirlər.

Muzeyin Vətən Müharibəsi fondunda Azərbaycanın Ali Hərbi Təyyarəçilik Məktəbinə məxsus geyim nümunələri qorunur.

Hərbi Hava Qüvvələri günü münasibətilə bu sahədə xidmət edən bütün hərbçilərimizi təbrik edir, onlara uğurlar arzulayırıq!