XƏBƏRLƏR

03 Mart, 2025
Muzeydə "Milli Guşənin təşkili və uşaqlara aşılanması " adlı interaktiv tədbir keçirilib
Milli Azərbaycan Tarixi Muzeyində ilk dəfə məktəbəqədər yaşlı uşaqlara milli-mənəvi dəyərlərin öyrədilməsi məqsədilə “Milli Guşənin Təşkili və Uşaqlara Aşılanması” adlı interaktiv tədbir keçirilib. Tədbirdə Bakı şəhəri üzrə 15 məktəbəqədər təhsil müəssisələrinin təlimçi və tərbiyəçi müəllimləri, eləcə də Milli Azərbaycan Tarixi Muzeyinin əməkdaşları iştirak ediblər.
Tədbir çərçivəsində Muzeyin İnnovasiyalar və təhsil proqramları şöbəsinin müdiri Fəridə Şəmsi “Milli Azərbaycan Tarixi Muzeyində tədris-əyləncə proqramlarının yeni formaları” adlı məruzə ilə çıxış edib. Həmin şöbənin baş mütəxəssisi Qənirə Qafarlı isə “Novruz ənənələri: mərasimlər, personajlar və simvollar muzeydə interaktiv və əyləncəli proqram vasitəsi kimi” mövzusunda, təqdimatın müşayiəti ilə çıxış edib.
Daha sonra “Öyrədək və Öyrənək” şüarı altında tədbirin praktik hissəsinə keçid edilib. Tərbiyəçi müəllimlər 5 qrup üzrə praktiki fəaliyyət göstərərək, uşaqlara erkən yaşlardan nağıllar, musiqilər və oyunlar vasitəsilə adət-ənənələrimizi və milli-mənəvi dəyərləri aşılamaq mövzusunda qrup işləri təqdim ediblər. Tədbir zamanı iştirakçılara: “Kasa-kasa” oyununun oynanılma qaydası, canlı nağıl yaratma prosesi, daşlarla oynanılan qədim oyunlar, xalça toxuma sənəti və onun alətlərindən düzgün istifadə qaydaları haqqında ətraflı məlumat verilib.
Sonra “Azərxalça” ASC tərəfindən hazırlanmış xüsusi videorolik təqdim olunub.
Tədbirin yekununda uşaqlar üçün “Tərəkəmə” və “Nəlbəki” rəqslərinin ifası nümayiş etdirilib.
Tədbirin sonunda bütün iştirakçılar təlimçi müəllim Vəsilə Bayramova tərəfindən sertifikatlarla mükafatlandırılıblar. Bu kimi interaktiv tədbirlərin muzeydə keçirilməsi milli-mənəvi dəyərlərin aşılanması və mədəni irsin gələcək nəsillərə ötürülməsi baxımından böyük əhəmiyyət kəsb edir.
Muzeydə “Cümhuriyyət Maarifçiliyi və Müstəqil Azərbaycanın Təhsil Yolu” adlı tədbir keçirilib
Milli Azərbaycan Tarixi Muzeyində Azərbaycan Gənc Müəllimlər Assosiasiyasının birgə təşkilatçılğı ilə Cümhuriyyət Maarifçiliyi və Müstəqil Azərbaycanı...
Muzeydə “Tarixdə fotoqrafın imzası” adlı sərginin açılış mərasimi keçirilib
Milli Azərbaycan Tarixi Muzeyində “Tarixdə fotoqrafın imzası” adlı fotosərginin açılış mərasimi keçirilib. Sərgidə 1940-cı illərə aid fotoqrafların i...
Muzeydə Mirzə Qədim İrəvaninin 200 illiyinə həsr olunmuş tədbir keçirilib
Azərbaycan Respublikasının Prezidenti cənab İlham Əliyevin müvafiq Sərəncamına əsasən, tanınmış Azərbaycan dəzgah boyakarlığının banisi Mirzə Qədim İr...
Muzeydə professor Yevgeni Paxomovun vəfatının 60 illiyinə həsr edilmiş seminar keçirilib
Milli Azərbaycan Tarixi Muzeyində Azərbaycan Elmlər Akademiyasının müxbir üzvü, tarix elmləri doktoru, professor Yevgeni Aleksandroviç Paxomovun (1880...
Milli Azərbaycan Tarixi Muzeyi “Hacı Zeynalabdin Tağıyev” ordeni ilə təltif olunub
Milli Azərbaycan Tarixi Muzeyinin Dədə Qorqud Fondu və "Azərbaycan Dünyası" Beynəlxalq jurnalı tərəfindən “Hacı Zeynalabdin Tağıyev” ordeni ilə təltif...
Muzeydə Xocalı faciəsinin 33-cü ildönümünə həsr olunmuş “Xocalı unudulmayan tarix” adlı anım tədbir keçirilib
Milli Azərbaycan Tarixi Muzeyində “Böyük Qayıdış” Gənclər Təşkilatı və “DAVAM” Gənclər Hərəkatının birgə təşkilatçılığı ilə Xocalı faciəsinin 33-cü i...
Muzeydə Xocalı faciəsinin 33-cü ildönümünə həsr olunmuş tədbir keçirilib
Milli Azərbaycan Tarixi Muzeyində Xocalı faciəsinin 33-cü ildönümünə həsr olunmuş tədbir keçirilib. Azərbaycan Respublikasının Dövlət Himni səsləndir...
Muzeydə 8 noyabr - Zəfər Gününə həsr olunmuş “Böyük qələbəyə gedən yol və Zəfərimiz” adlı tədbir keçirilib
Milli Azərbaycan Tarixi Muzeyinin və Yeni Azərbaycan Partiyasının Səbail rayon təşkilatının “H.Z.Tağıyev 4” ərazi partiya təşkilatının birgə təşəbbüsü...