Milli Azərbaycan Tarixi Muzeyi Azərbaycan xalqını Novruz Bayramı münasibətilə təbrik edir, hər birinizə bahar əhvali-ruhiyyəsi, cansağlığı və gələcək işlərinizdə uğurlar arzulayır.
Muzeyin zəngin fond materialları arasında Novruz bayramının özəlliklərini əks etdirən dəyərli eksponatlar da xüsusi yer tutur. Bu nadir nümunələr xalqımızın qədim bayram ənənələrinin tarixi və mədəni dəyərlərini yaşatma baxımından mühüm əhəmiyyət kəsb edir. Belə eksponatlardan biri də muzeyin Təsviri materiallar fondunda qorunan “Novruz bayramı” adlı sənət əsəridir. Bu dəyərli əsər Azərbaycanın Xalq Rəssamı, milli karikatura sənətimizin banisi Əzim Əzimzadəyə məxsusdur. Rəssam öz yaradıcılığında Novruz bayramının koloritini, xalq şənliyinin əhval-ruhiyyəsini və mərasim ənənələrini incə yumor və zəngin təsvir vasitələri ilə əks etdirmişdir.