Milli Azərbaycan Tarixi Muzeyinin Azərbaycan tarixinin tədqiqi və təqdimi şöbəsinin aparıcı elmi işçisi, t.ü.f.d, dosent Tural Şiriyevin “Azərbaycan xalqının maddi mədəniyyətində İslam ənənələri” adlı monoqrafiyası işıq üzü görüb (Bakı: 2024, 216 səh). Elmi redaktor muzeyin elmi katibi, t.ü.f.d, dosent Sevinc Nəsirova, rəyçi muzeyin Azərbaycan tarixinin tədqiqi və təqdimi şöbəsinin müdiri, t.e.d, professor Nərgiz Əliyevadır.
Kitabda XVI-XIX əsrlərdə Azərbaycan xalqının maddi mədəniyyətinin əsas xüsusiyyətləri, onun inkişafında İslam dininin rolu araşdırılıb. Eyni zamanda, xalqın maddi mədəniyyətinin tərkib hissəsi sayılan ictimai tikililər, xalq sənətkarlığının bir sıra sahələri, geyim və qida mədəniyyəti kimi məsələlər tarixi-etnoqrafik tədqiqata cəlb edilib.
Sözügedən nəşr Azərbaycanın zəngin mədəni irsinin araşdırılması və öyrənilməsi baxımından mühüm elmi mənbə sayılır.