MATM-nin direktoru, akademik Nailə Vəlixanlı türkiyəli həmkarlarını salamlayıb, onlarla görüşməkdən məmnunluğunu ifadə edib. Türkiyə muzeyləri ilə sıx əlaqələrin qurulduğunu vurğulayan N.Vəlixanlı Dokuz Eylül Universitetinin nəzdində fəaliyyət göstərən Bayraq elmi və türk bayraqları muzeyi ilə də əməkdaşlığın hər iki tərəf üçün faydalı olacağını vurğulayıb. O, rəhbərlik etdiyi muzeyin zəngin fondlarından olan Silahlar və bayraqlar fondu, orada qorunan bayraq və rəmzlər kolleksiyaları barədə görüş iştirakçılarına geniş məlumat verib.

Görüşdə Bayraq elmi və türk bayraqları muzeyinin müdiri Ömer Durmaz təməli bu gün qoyulan əməkdaşlığın hər iki tərəf üçün uğurlu olmasını arzulayıb. Rəhbərlik etdiyi muzey barədə məlumat verən Ö.Durmaz gələcək planlarından da söz açıb. Qeyd edib ki, veksikologiya elminin inkişafına yeni töhfələr vermək istiqamətində atılacaq növbəti addımlardan biri AMEA Milli Azərbaycan Tarixi Muzeyi ilə ikitərəfli beynəlxalq konfrans və sərgilərin təşkili olacaq.