XƏBƏRLƏR
29 Sentyabr, 2020
Aprel döyüşlərinin qəhrəman zabiti Sənan Axundovun materialları Muzeyə təhvil verilib
Milli Azərbaycan Tarixi Muzeyində 2016-cı il Aprel döyüşlərində qəhrəmancasına şəhid olmuş Azərbaycan Ordusunun zabiti, polkovnik-leytenant Sənan Tahiroğlu Axundovun xatirəsinə həsr olunmuş tədbir keçirilib. Tədbirdə Muzeyin direktoru, akademik Nailə Vəlixanlı, şəhid zabitin valideynləri – atası Tahir Axundov, anası Roza Axundova, qohumları, o cümlədən Muzey əməkdaşları iştirak ediblər.
Muzeyin Elmi ekspozisiya və sərgilərin təşkili şöbəsinin baş mütəxəssisi Ramiyə İsmayılova tədbiri açıq elan edib və şəhidin həyat və döyüş yoluna, onun Muzeyə təqdim edilən materiallarına həsr olunmuş video-roliki təqdim edib.
Daha sonra Muzeyin direktoru, akademik Nailə Vəlixanlı çıxış edib, şəhidin materiallarını Muzeyə təqdim etdikləri üçün onun ailəsinə təşəkkür etdi. Qeyd etdi ki, vətəni müdafiə edən Sənan kimi oğullarımızın şücaəti sayəsində mənfur qonşularımıza qalib gələcəyik. Vətən torpağı tapdaq altda qalmasın deyə vətənə belə hərbçi oğullar lazımdır.
Muzeyin direktor müavini, dos. Məhfuzə Zeynalova da çıxış edib, bu tədbirin əlamətdar bir hadisəyə həsr olunduğunu, şəhidin təqdim olunan 20 ədəd materialının Muzeyin kolleksiyasını daha da zənginləşdirdiyini bildirdi. Qeyd etdi ki, bu materiallar gənc nəslin vətənpərvərlik tərbiyəsini daha da artırmağa xidmət edəcək.
Daha sonra şəhid zabitin atası Tahir Axundov çıxış etdi. Bildirdi ki, Vətənə xidmət hər bir gəncin borcudur. İnşallah, Azərbaycan Respublikası Prezidentinin sayəsində itirilmiş torpaqlarımız geri qaytarılacaq, qələbə bizim olacaq.
Sonda Muzeyin Elmi ekspozisiya və sərgilərin təşkili şöbəsinin müdiri, t.ü.f.d. Səbuhi Əhmədov çıxış etdi. Şəhid zabitin döyüş yolu, Müdafiə Nazirliyindəki iş fəaliyyəti, müasir texnologiyalardan istifadə etməklə Milli Ordu sıralarındakı şərəfli xidməti, öz yaralı zabit yoldaşlarını xilas edərkən qəhrəmancasına şəhid olması haqda məlumat verdi. Qeyd etdi ki, şəhid zabitin ləyaqətli döyüş yolu gənc nəsillər tərəfindən davam etdirilir.
Qeyd edək ki, şəhid zabit S.Axundov Bakı Ali Hərbi-Dənizçilik məktəbini (1996-2001), Bakı Dövlət Universitetini (2004-2009) və Almaniya Hərbi Akademiyasını (2005-2007) bitirmiş, Silahlı Qüvvələrimizin müasir düşüncəli, hərtərəfli biliklərə malik zabitlərindən biri idi. Hərbi xidmət illərində rəhbərliyin və şəxsi heyətin hörmətini qazanan zabit 2016-cı il aprelin 19-da Füzuli rayonu Yastıtəpə istiqamətində qəhrəmancasına həlak olmuşdur. Muzeyin Elmi ekspozisiya və sərgilərin təşkili şöbəsinin baş mütəxəssisi Ramiyə İsmayılova tərəfindən cəsur zabitin həyatı və döyüş yolu haqqında toplanan materiallar Muzeyə təhvil verilib. Şəhid zabitin hərbi geyimi, medalları, fotoşəkilləri, haqqında dərc olunan qəzet, jurnal materialları, sənədlər və s. əşyalar şəhid polkovnik-leytenant S.Axundovun ailəsi tərəfindən Muzeyə hədiyyə edilib və Muzeydə qorunacaq, gənc nəslin vətənpərvərlik ruhunda təlim-tərbiyəsində böyük rol oynayacaq.
Allah rəhmət eləsin!
Muzeyin əməkdaşı ICOM- Azərbaycan Milli Komitəsinin Rəyasət heyətinin iclasında iştirak edib
"Azərxalça" yaradıcı mərkəzində ICOM- Beynəlxalq Muzeylər Şurası Azərbaycan Milli Komitəsinin Rəyasət heyətinin iclası keçirilib. İclasda Milli Azərba...
Yeni ekspozisiya ziyarətçilərin marağına səbəb olub
Milli Azərbaycan Tarixi Muzeyinin yeni ekspozisiyası ziyarətçilərin ixtiyarına verilib. Qeyd edək ki, iki mərtəbəni əhatə edən yeni ekspozisiya ictima...
Muzeyin əməkdaşının məqaləsi dərc olunub
Muzeyin İnnovasiyalar və təhsil proqramları şöbəsinin baş mütəxəssisi Nigar Əhmədlinin AMEA-nın “Elm və həyat” elmi-populyar jurnalında (2024.N1) “Təl...
Muzeyin əməkdaşı Respublika Konfransında məruzə edib
Azərbaycan Respublikasının Prezidenti İlham Əliyevin 25 yanvar 2024-cü il tarixində dahi Azərbaycan şairi və mütəfəkkiri Məhəmməd Füzulinin anadan olm...
Muzeydə “Yaşıl dünya” adlı ustad dərsi keçirilib
Azərbaycan Respublikasının Prezidenti İlham Əliyevin 2024-cü ilin “Yaşıl dünya naminə həmrəylik ili” elan olunması ilə bağlı Sərəncamına əsasən tədbir...
Muzeydə “Molla Nəsrəddin” jurnalının nəşrə başlamasının 118 illiyinə həsr olunmuş tədbir keçirilib
18 aprel 2024-cü il tarixində Milli Azərbaycan Tarixi Muzeyi və 5 nömrəli Uşaq-Gənclər İnkişaf Mərkəzinin birgə təşkilatçılığı ...
18 aprel- Tarixi Abidələrin Mühafizəsi Günü
Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Tarixi abidələrimizin qorunması və gələ...
Muzeyin əməkdaşı beynəlxalq konfransda məruzə ilə çıxış edib
Azərbaycan Respublikasının Prezidenti İlham Əliyevin 25 yanvar 2024-cü il tarixində dahi Azərbaycan şairi və mütəfəkkiri Məhəmməd Füzulinin anadan olm...