XƏBƏRLƏR
Geri
XƏBƏRLƏR -
Mühüm hadisələr
Çap et
30 Sentyabr, 2021
“Tarix yazan qəhrəmanlar“ layihəsi davam edir

Milli Azərbaycan Tarixi Muzeyində fəaliyyət göstərən "Gənc muzeyşünaslar və muzeysevərlər klubu"nun rəhbəri Sahibə Ələkbərova "Tarix yazan qəhrəmanlar" layihəsi çərçivəsində klub üzvləri ilə birgə II Vətən müharibəsi şəhidi Tural Abdullayevin ailəsini ziyarət ediblər. Layihə iştirakçıları T.Abdulayevin ailəsi ilə görüş zamanı onun haqqında olan xatirələri dinləmiş və şəhidin evində xatirə əşyaları nümayiş edilən xüsusi otaq ilə tanış olmuşlar.

  Abdullayev Tural Şakir oğlu 1990-cı il fevral ayının 26-da Laçın rayonunun Ərikli kəndində anadan olub. O, doğulduğu ildə ailəsi Xocalı şəhərinə köçmüşdür. Turalın 2 yaşı tamam olanda erməni quldurları onun yaşadığı şəhəri yerlə-yeksan etdilər. Bu soyqırımda Turalın qohumlarından bir ailə tamamilə məhv edildi. Kiçik yaşlarından düşmənə nifrət hissı ilə böyüyən Tural, düşməndən qisas almağı qarşısına məqsəd qoymuşdur. Qeyd edək ki,  Tural Abdullayev hərbi xidməti 2008-ci ildə Salyanda Xüsusi Təyinatlı Qüvvələrdə keçib. 2010-cu ildən isə Zaqatalada DİN XTQ-də əməliyyat qrupunda çalışıb. 12 il Xüsusi Təyinatlı Qüvvələrdə Vətənə qüsursuz xidmət edən Tural hərbi xidmət keçdiyi zaman və çalışdığı müddətlərdə nümunəvi xidmətinə görə çoxlu sayda medal və Fəxri Fərmanlarla təltif edilib. 2008-ci ildə hərbi xidmətdə nümunəvi xidmətinə görə hərbi hissə komandirinin əmri ilə baş çavuş Abdullayev Tural  III dərəcəli döş nişanı ilə təltif edilib. Həmçinin 2013-cü ildə Azərbaycan Respublikasının “Daxili İşlər Nazirliyinin Daxili Qoşunlarının yaranmasının 20 illiyi” yubiley medalı ilə, 2018-ci ilin dekabrında AVMVİB-nin (Azərbaycan Vətən Müharibəsi Veteranları İctimai Birliyi) əsasnaməsi ilə təsdiq edilmiş “Milli Ordu - 100” medalı ilə, 2020-ci ilin iyun ayında Azərbaycan Respublikasının Prezidentinin adından “Qüsursuz xidmətə görə” III dərəcəli medalı ilə təltif edilib.

“Boz qurd" ləqəbli döyüşçü II Vətən Müharibəsi zamanı Murovdoğ yüksəkliyinin alınmasında və Kəlbəcər tərəfində keçirilən əməliyyatlarda iştirak etmişdir. T.Abdullayev 30 sentyabr 2020- ci il tarixində ən yüksək zirvəyə şəhidlik məqamına ucaldı. Bir çox arzuları yarımçıq qalsada ən böyük arzusuna nail oldu. Xocalı qətlamının qisasını düşməndən aldı.
T. Abdullayev yaşadığı illər ərzində bir dəfə də olsun doğum gününü qeyd etmədi. Çünki, onun doğum günü 613 nəfər Xocalı sakininin qətl edildiyi günə təsadüf edirdi.

Qeyd edək ki, T.Abdullayevə məxsus əşyaların bir hissəsi muzeyin Vətən müharibəsi fondunda qorunur, digər hissəsi isə muzeydə “Anadır arzulara hər zaman Qarabağ” sərgisində nümayiş etdirilir.

Ətraflı keçiddə- Muzeyin Vətən müharibəsi fondunda şəhid Tural Abdullayevə məxsus materiallar qorunur

© Bütün hüquqlar qorunur. Xəbərlərdən istifadə edərkən http://azhistorymuseum.gov.az/ saytına istinad zəruridir.

Muzeyin əməkdaşı tanınmış WEIP jurnalına müsahibə verib
Milli Azərbaycan Tarixi Muzeyinin Bərpa laboratoriyasının müdiri, rəssam və heykəltəraş Ərəstun Şahverdiyev nüfuzlu WEIP (World Environmental and Indu...
Muzeyin əməkdaşı "COP29 konfransının qonaqlarını qəbul etməkdə muzeylərin rolu-görülən işlər barədə hesabat" mövzusunda çıxış edib
YARAT Müasir İncəsənət Məkanında ICOM- Beynəlxalq Muzeylər Şurası Azərbaycan Milli Komitəsinin "COP29 konfransının qonaqlarını qəbul etməkdə muzeyləri...
Muzeydə Naxçıvan Muxtar Respublikasının 100 illik yubileyinə həsr olunmuş mühazirə keçirilib
Naxçıvan Muxtar Respublikasının 100 illik yubileyinin qeyd edilməsi haqqında Azərbaycan Respublikası Prezidenti İlham Əliyevin Sərəncamına əsasən tədb...
Şotlandiya Mayakları muzeyinin direktoru Milli Azərbaycan Tarixi Muzeyini ziyarət edib
Şotlandiya Mayakları muzeyinin direktoru Lynda McGuigan, “Bakı Beynəlxalq Dəniz Ticarət Limanı” QSC-nin Dəniz xidmətləri deparamentinin müdir müavini ...
Muzeydə Ümummilli Lider Heydər Əliyevin anım gününə həsr olunmuş tədbir keçirilib
Milli Azərbaycan Tarixi Muzeyində Ümummilli Lider Heydər Əliyevin anım gününə həsr olunmuş “Sən elə bir zirvəsən...” adlı tədbir keçirilib. Tədbirdə İ...
Muzeyin direktoru “Dövlətin memarı. Bir ömrün ensiklopediyası” triptix-xalça təqdimatında iştirak edib
Azərbaycan Milli Xalça Muzeyində Ümummilli lider Heydər Əliyevin 100 illik yubileyinə həsr olunmuş “Dövlətin memarı. Bir ömrün ensiklopediyası” adlı u...
Muzeydə “Zəhmət ilə gələn zinət. Dərsimiz - Hacı Zeynalabdin” adlı interaktiv və ustad dərsləri keçirilib
Milli Azərbaycan Tarixi Muzeyində “Elmi macəralar saatı” layihəsi çərçivəsində Bakı İstanbul liseyinin və Zəngi liseyinin şagirdlərinə “Zəhmət ilə gəl...
Muzeyin əməkdaşı məruzə ilə çıxış edib
Orta əsr Ağsu şəhərinin Dövlət Tarix-Mədəniyyət Qoruğunun təşkilatçılığı ilə seminar keçirilib (onlayn). Seminarda Milli Azərbaycan Tarixi Muzeyinin N...