Qəsəbov İsmayıl Nəbi oğlu 6 iyul 1991-ci ildə Qazax rayonunun Çaylı kəndində anadan olub. Azərbaycan Respublikası DİN Daxili Qoşunlarının baş çavuşu olan İ.Qəsəbov 2020-ci il sentyabrın 27-də Vətən Müharibəsi zamanı Murovdağ, Cəbrayıl, Füzuli, Xocavənd və Şuşanın azad edilməsi uğrunda gedən döyüşlərdə iştirak edib. Noyabrın 7-də Şuşa döyüşləri zamanı qəhrəmancasına şəhid olub.

Şəhid Qəsəbov İsmayıla məxsus təqdim olunan hərbi mərasim geyimi (zeytun rəngli hərbi mərasim qış paltosu, hərbi mərasim plaşı, şalvarı, kiteli,  köynəyi, kəməri, qara rəngli qalstuk ,isimlik və hərbi geyimdə fotosu) muzeyin Vətən Müharibəsi fondunda mühafizə olunur.

Qeyd edək ki, 2021-ci ilin may –oktyabr aylarında muzeydə keçirilmiş “Anadır arzulara hər zaman Qarabağ” adlı sərgidə Q.İsmayıla məxsus materialların bir hissəsi nümayiş etdirilmişdir.

Təltifləri

•  (15.12.2020) — "Vətən uğrunda" medalı (ölümündən sonra)
•  (29.12.2020) — "Şuşanın azad olunmasına görə" medalı (ölümündən sonra)
•  (24.06.2021) — "Azərbaycan Bayrağı" ordeni (ölümündən sonra)
•  (24.06.2021) — "Cəbrayılın azad olunmasına görə" medalı (ölümündən sonra)
•  (24.06.2021) — "Xocavəndin azad olunmasına görə" medalı (ölümündən sonra)
•  (24.06.2021) — "Kəlbəcərin azad olunmasına görə" medalı (ölümündən sonra)